熺會館

營業中

休息中

今日難得有時間約到班中學同學一齊聚會！於是我哋就去咗尖沙咀既熺會館度打邊爐同聚舊！嗌咗好多嘢食開心share：「黃金沙炸魚皮」🐠魚皮好大碟，夠晒我哋五個人一齊食！再加上佢炸得非常之香口同脆卜卜！我哋好快就食晒啦！「椒鹽一口豆腐」🧈同樣都係炸得好好食😋炸完啲豆腐唔會鞋烚烚，仲要係好滑好嫩口，再加埋啲椒鹽味，非常之惹味！「熺會炸黑松露餃」🥟呢個餃真係性價比高，入邊有滿滿既黑松露，味道好濃郁！同炸過既餃子皮一齊食好好味😋去到主菜我哋叫咗個🍲「鴛鴦湯底」有川式麻辣鍋同蕃茄薯仔牛腩鍋！兩個湯底都非常出色，有濃濃嘅辣椒味🌶同埋有好多大大件嘅蕃茄同牛腩🍅🥩十分好味道！火鍋材料同樣出色最出色嘅係佢嘅鮮制鯪魚滑！鯪魚滑非常之新鮮，打到起膠之餘亦完全冇腥味！而佢嘅「熺會手打四寶丸」🧆粒粒彈牙，亦食得出全部都係用新鮮材料去整，放落去個湯底度淥簡直係Perfect match！🥰