更多
2022-09-30
1424 瀏覽
孤獨的美食家又黎啦，中午放飯1條友搵食，又落緊大雨廢事走圍搵，諗起附近有間土耳城小城未試過，今日就借呢個機會試下d午餐先。店內員工全部都應該係土耳其人，有部份唔太識中文所以都可以用QR code落單，方便好多，睇返餐牌d食物款式其實同印度餐好似，都係有咖哩，烤餅之類既，選擇都唔少，而餐廳環境都乾淨企理，不過店面比較細位與位之間相隔都幾近，人多時會比較熱鬧d，裝修風格都應該係以土耳其特色為主，餐牌既一頁都有張土耳其小城既環境相介紹俾大家，又要講返句乾淨又衛生呀。烤野雞卷餅本身想話食咖哩，但諗諗下烤卷餅比較接近返土耳其特色，烤卷餅都算幾大份，切開左1半都有返咁上下長度，餡既份量都好豐富，好多雞肉同蔬菜，仲有d應該係土耳其式既沙律醬，味道唔算好濃，另外再跟上3枝唔同口味既醬汁俾你，覺得唔夠醬可以自己加，但其實我試晒都唔覺太大分別，可能我唔識食，係覺得綠色果枝好似重口味d，餅皮黎講比較薄，咬落都好鬆軟，幾推薦食烤卷餅。咖哩角由於太肚餓追加左小食咖哩角，咖哩角同印度餐廳既大細差唔多，新鮮炸起好熱，外皮比較厚，餡料主要都係咖哩薯仔，咖哩味少少唔辣，就咁食會比較乾d，我覺得一般般。串燒牛肉由於肚餓又
店內員工全部都應該係土耳其人，有部份唔太識中文所以都可以用QR code落單，方便好多，睇返餐牌d食物款式其實同印度餐好似，都係有咖哩，烤餅之類既，選擇都唔少，而餐廳環境都乾淨企理，不過店面比較細位與位之間相隔都幾近，人多時會比較熱鬧d，裝修風格都應該係以土耳其特色為主，餐牌既一頁都有張土耳其小城既環境相介紹俾大家，又要講返句乾淨又衛生呀。
烤野雞卷餅
本身想話食咖哩，但諗諗下烤卷餅比較接近返土耳其特色，烤卷餅都算幾大份，切開左1半都有返咁上下長度，餡既份量都好豐富，好多雞肉同蔬菜，仲有d應該係土耳其式既沙律醬，味道唔算好濃，另外再跟上3枝唔同口味既醬汁俾你，覺得唔夠醬可以自己加，但其實我試晒都唔覺太大分別，可能我唔識食，係覺得綠色果枝好似重口味d，餅皮黎講比較薄，咬落都好鬆軟，幾推薦食烤卷餅。
烤野雞肉卷餅
23 瀏覽
0 讚好
0 留言
咖哩角
由於太肚餓追加左小食咖哩角，咖哩角同印度餐廳既大細差唔多，新鮮炸起好熱，外皮比較厚，餡料主要都係咖哩薯仔，咖哩味少少唔辣，就咁食會比較乾d，我覺得一般般。
咖哩角
14 瀏覽
0 讚好
0 留言
咖哩角
11 瀏覽
0 讚好
0 留言
串燒牛肉
由於肚餓又想試多d又追加左個串燒牛肉有2串，但好細串，牛肉肉質幾好唔會好鞋，但肉味太唔重，醬汁有少少似咖哩但唔重咖哩味，都係一般般啦。
牛肉串燒
18 瀏覽
1 讚好
0 留言
土耳其茶
跟餐加3蚊，特色土耳其茶聞落有少少花香味，味道都幾甜，飲到底會再甜d，我就覺得幾得意，怕甜既朋友就留意下啦。
土耳其茶
14 瀏覽
0 讚好
0 留言
整體黎講食物環境服務方面都算唔錯，價錢方面算係中規中矩，如果想試多幾款野幾個朋友一齊食會好d，想食下特色中東菜都係個唔錯既選擇。
張貼
