影片
更多
2023-10-12
390 瀏覽
好友約食飯，諗嚟諗去都唔知食乜好，對方忽發奇想，不如食生蠔?都好喎，唔計自助餐嗰啲，又真係好耐無真真正正係香港食過優質靚蠔，對上一次大大話話都十年八年前，在喜來登的蠔吧品嚐。結果，好友就揀了Taylor Shellfish Farms，佢都係聽食友推薦的啦！店子在高街和大坑均有分店，當然大坑是比較方便我。一心來食生蠔，有理無理先來一打。店員推介英格蘭 Whitstable Oyster，說這裡是特許獨家經營的餐廳。英格蘭生蠔真的比較少吃，即管試下。Whitstable呢個沿海小鎮，印象中N年前在英國讀書時到訪過，但當然無入過去食生蠔喇~生蠔個子唔細的，入口爽身，飽嫩多汁，感覺有幾分像Coffin Bay的特質，簡簡單單唧些少檸檬汁，已經可以。呢款生蠔既質感，幾岩我口胃的，一次過每人啪半打，爽皮。由於太合心，多口問店員一句，除左係餐廳食，有無地方可以買到返屋企嘆? Well, 唔係無既，一田Yata Oyster/ Yata Oysta+ 係獨家經銷商。無理由齋食蠔咁寡，再來些其他海鮮好了。翡翠螺爽脆，唔會韌到似咬擦字膠。海蝦同樣彈牙，交足功課。麵包蟹就是吃其蟹羔了，懶理有多邪惡，將滿滿
好友約食飯，諗嚟諗去都唔知食乜好，對方忽發奇想，不如食生蠔?都好喎，唔計自助餐嗰啲，又真係好耐無真真正正係香港食過優質靚蠔，對上一次大大話話都十年八年前，在喜來登的蠔吧品嚐。
結果，好友就揀了Taylor Shellfish Farms，佢都係聽食友推薦的啦！店子在高街和大坑均有分店，當然大坑是比較方便我。
一心來食生蠔，有理無理先來一打。店員推介英格蘭 Whitstable Oyster，說這裡是特許獨家經營的餐廳。
英格蘭生蠔真的比較少吃，即管試下。Whitstable呢個沿海小鎮，印象中N年前在英國讀書時到訪過，但當然無入過去食生蠔喇~生蠔個子唔細的，入口爽身，飽嫩多汁，感覺有幾分像Coffin Bay的特質，簡簡單單唧些少檸檬汁，已經可以。呢款生蠔既質感，幾岩我口胃的，一次過每人啪半打，爽皮。
由於太合心，多口問店員一句，除左係餐廳食，有無地方可以買到返屋企嘆? Well, 唔係無既，一田Yata Oyster/ Yata Oysta+ 係獨家經銷商。
無理由齋食蠔咁寡，再來些其他海鮮好了。翡翠螺爽脆，唔會韌到似咬擦字膠。海蝦同樣彈牙，交足功課。
麵包蟹就是吃其蟹羔了，懶理有多邪惡，將滿滿甘香的蟹羔全吞落肚才算。
幾款海鮮之後，來一兜新鮮炸起，香脆熱辣的黑松露薯條，就是Perfect池。愛香口嘢既我，係一條駁一條，停唔到口呀！
是夜沒飲白酒，要杯西柚紅茶，同樣滿足。
張貼
