十三少 (已結業)

每次同朋友都係食酸菜魚，今次約埋朋友去十三少，一於試下水煮魚🐟🌶餐廳裝修簡潔，環境舒適，大部份都係卡位，坐得幾舒服啊😌我地揀咗二人套餐，份量好多啊，除咗有水煮魚之外，仲有涼菜同小菜。涼菜揀咗蒜泥青瓜🥒好香蒜味啊~青瓜口感爽脆 味道清新又唔會好膩口好開胃啊！我地期待咗好耐嘅水煮魚🌶好足料啊😬上枱已經聞到好香花椒香味已經急不及待想食~我地揀咗小辣小麻🌶水煮魚加入乾辣椒粒同花椒影相嘅時候都係辣椒同魚片，但食好香唔算好辣魚片入口嫩滑😌配埋爽口芽菜，送飯一流啊！小菜都好出色啊！乾煸四季豆小辣，加入香料，炒到好香濃惹味估唔到連四季豆都食到停唔到口🙈😬下次約多幾個朋友再食🐟