餃里 (悅湖山莊商場) (裝修中)

餃子控咁岩經過，所以又來試試….冇留意原來冇堂食，只有外賣。只能買完搵地方食，如果唔係街坊，建議可以去碼頭個邊對住海食。點左咖哩，芝士煎餃加撈麵。想試下個椰子雞湯，所以點了2款湯餃，韮菜和紫菜餃。4款餃都皮薄餡料多，煎餃只是稍煎，由於外賣所以唔脆口，可能時間關係。個人推介咖哩鮮肉餃，咖哩味幾香口。辣菜脯都幾辣。椰子豬骨湯清淡，有椰子片粟米和紅蘿蔔，餃子味道較清唔太濃味，有家庭式健康感覺。如果喜歡健康味道，這間餃子適合大家。似乎好多訂單，所以等時間都頗長。