逸東小館

營業中

休息中

同朋友係附近郊遊完隨便揾間餃子店食下就返歸休息。我地叫左鮮菇蟲草花鮮肉雲吞配招牌雞湯，花膠雞麵同油菜招牌雞湯都幾清，唔會好油同咸。雲吞都大隻，好多餡，好有鮮茹味，加左鮮菇同蟲草花，唔單止增加湯的層次感，仲提升左營養價值。至於花膠雞麵，碗麵一來到就俾個大花膠吸睛了，花膠份量好多，同埋好彈口，吸埋啲雞湯幾好食。今次揀左上海麵，雖然麵條比想像中幼，但口感Q彈，配埋雞湯都幾夾。本身以為餐廳只食餃子，原來都幾多不同款式食品，連菜飯都有。餃子都仲有其他創新口味都想試下，例如沙爹牛柳雲吞。所以有機會會再黎幫襯。