相馬日式火鍋 荔枝角

營業中

休息中

天氣凍冰冰，就一於去相馬食個暖羊羊海鮮火鍋放題。呢個放題有超多野食，種類豐富，大部分都係任食一定夠飽。🤤呢個套餐有一個胡椒花膠湯，任食惹味羊腩煲，蒸海鮮鍋和任食肉類海鮮火鍋。💜香味十足羊腩煲任食唔嬲，羊肉又軟又腍，有勁香羊味，但係又唔會過分羶。我好鍾意食羊肉，所以食咗勁多。……．蒸海鮮有多種肥美海鮮，新鮮鮮甜食＇，到舔舔脷，最鍾意食貴妃蚌，又甜又有，咬口越就越好味。鮑魚多汁又鮮甜，肉厚又彈牙。扇貝都同樣好正，橙色部份味道濃郁，白色嘅帶子肉新鮮又柔軟，甜到不得了。🩷任食肉類海鮮火鍋🍲有我最鍾意食嘅美國牛小排和美國牛肩胛，脂肪比例均勻食落去甘香鬆化，仲要係任食堅正！海鮮都可以任食打邊爐有帶子，蟹柳，青口，大蜆和海蝦全部都係我最鍾意食，任食食到飽。之前食咗咁多肉打邊爐當然要食返啲菜啦，有秋葵，蘿蔔，粟米，南瓜，羽衣甘藍🥬🩵喺呢度嘅炸物都超正，種類又多，有炸吉列蝦蝦，炸蟹籽丸，炸午餐肉，炸米網蝦春卷和炸芝士春卷等等😋香脆可口款款都好好味。鍾意食炸米網蝦春卷和炸芝士春卷，米網蝦春卷皮薄非常香脆，入面有有成隻蝦仲有好香米味。炸芝士春卷芝士可以拉絲，又好香芝士味外脆內軟超正。