皇室甜品 (城南道)

營業中

休息中

話說今晚食团年飯，梗係要食餐好架勒，係九龍城黃珍珍食完飯，無理由唔食埋甜品丫，講到食甜品，我朋友就堅持要食皇室甜品。雖然裝修唔算好豪華，但幸好侍應都好有禮貌，店內氣氛祥和。我就㨂左我最愛既紅豆丸子做我的飯後甜品了，食飽飯再來一碗凍凍的，感覺十分滿足。又可以有更多時間同朋友相聚，因為淨係傾一餐飯時間既計，根本唔夠我吹水，吹水最少都要兩餐吧，加埋呢个甜甜紅豆就啱啱好。而我朋友就㨂左旁邊那个好似腸粉既野，其實都係凍甜點，唔知咩整出黎，有點像椰果之類勒，入面係芒果，所以我叫佢做芒果腸粉。希望各位都支持下呢類特色小店，老闆工作辛苦了。