尋麻記

營業中

休息中

之前同朋友聚會食過尋麻記隻麻椒雞真係一試難忘😍今日經過即刻買反隻返屋企加餸🤭椒麻雞有大/中/小辣選擇同店員傾開計先知原來佢地三種唔同嘅辣度係用左唔同辣椒配方去烹調😮搞到我有啲心郁郁想試曬三種辣度睇下有咩分別😋不過自己食唔到太辣都係叫返小辣穩陣啲😂同場仲有好多香辣小菜全部都勁吸引🤤🤤最後買左一隻麻椒雞、一盒雞腎同一盒鳳爪隻雞巳經手撕好好似平時食白切雞、燒肉咁即開即食唔需要加熱唔洗等👍🏼一打開勁大陣麻辣味湧出嚟超香啊！一隻雞同分到兩大碟入面除左雞，仲有三款辣椒、花椒同花生配料雞肉肉質結實皮就爽彈雞味濃郁加埋又香又麻嘅調味刺激又過癮🤩酸辣鳳爪同香辣雞腎分量都好足辣度無麻椒雞咁重相對比較容易食鳳爪調味好清爽而且酸酸辣辣勁開胃！雞腎質感爽脆辣得嚟又有少少甜味一口一粒完全停唔到😂呢啲小食送酒送飯一流😋