捌加廿陸天婦羅居酒屋

營業中

休息中

餐廳：捌加廿陸天婦羅居酒屋地點：旺角窩打老道菜式：天婦羅居酒屋餐牌：自選天婦羅丼，丼飯，小食，飲品，期間限定自選天婦羅丼 $112 另加一呢度有自選天婦羅丼，好flexible。飯/冷烏冬/湯烏冬/冷蕎麥麵/湯蕎麥麵底$30，其他主食加錢，然後就加錢加料自選啦。冷烏冬好大碗，個湯夠清而烏冬有咬口，加上蔥花，碗邊有日式芥末。真心覺得食天婦羅要配冷烏冬或者麵。穴子 加$22 另加一原條穴子真係好大條，魚肉滑溜有魚味。廣島蠔 加$18 另加一廣島蠔好多汁又大隻。鮮帶子 加$18 另加一帶子肉真心鮮美又嫩，好香帶子味。黑虎蝦 加$12 另加一黑虎蝦都好大隻，蝦肉鮮甜。成個餐包龍蝦麵豉湯一大碗，青瓜一條同鮮橙半片。炸雞軟骨 $38 另加一炸雞軟骨大大碟，大概有二十件大大粒，吉列皮好脆，入面雞軟骨都好脆，熱辣辣上枱，味道鹹香，墊有椰菜絲沙律解膩，伴有沙律醬令入口更滑溜。總括而言，呢度天婦羅皮夠薄脆，入面食物多汁好味，不愧為天婦羅專門店。我一個人食完呢個餐加小食超飽。座位全部都係吧枱，可以望住師傅炸野比你食。枱上面有七味粉，柚子鹽同鹽，跟餐都有天婦羅汁。平日午膳滿座。