炑八韓烤 (荃新天地2)

營業中

休息中

毛毛細雨加上冰冷嘅天氣，好想食返個韓燒暖身。見到呢度新出嗰套餐好抵食，肥仔就一於去食吓！🧂 鹽蔥牛舌旨味套餐🐄鹽蔥牛舌、牛胸腹肉脆中帶嫩，厚度適中而且鹽蔥嘅味道非常之濃厚，令到牛味道更上一層樓！燒烤料理仲有芝士生蠔、蔥蒜牛五花、牛胸腹肉、秘製醬油豬五花、梨汁雞腿肉。全部醃料都好香甜，提升咗肉嘅鮮味，燒起上嚟又香又嫩滑！🍲薯仔牛骨湯呢個主食最適合喺寒冷天呷一口暖胃，真材實料嘅薯仔牛骨湯，裏面嘅湯料份量十足，入邊嘅材料都好香甜，幸福感倍升！🍚石頭鍋飯🍚石頭鍋飯色彩繽紛，有好多唔同嘅蔬菜組成，十分健康。個石鍋夠熱，食到最尾有爽脆嘅飯焦，十分滿意！🥂薑橙熱飲、玫瑰佛手柑熱飲酸酸甜甜，一解剛剛食肉嘅飽滯感。溫暖嘅熱飲非常之養生。總結，套餐非常之抵食，而且質素不錯。爐邊蛋同泡菜都係任加，食肉獸表示食到非常滿足。