檸檬冰室 (冠天閣)

營業中

休息中

今日趁放假去咗觀塘探剛新居入伙嘅好朋友，觀塘重建部份地方後，真靚咗好多，朋友重請我去附近嘅檸檬冰室食飯。冰室裝修以黃色為主，望落去好光猛，全店以檸檬為主題，名符其實係檸檬冰室。海南雞飯，海南雞色澤淡黃光亮，皮脆肉嫩味鮮，油飯粒粒分明，入口香噴噴。配返碗老火湯好好味！瑤柱福建炒飯炒出味道夠香、芡汁夠濃的高質素。材料包括有冬菇、菜粒、瑤柱絲、雞肉粒及蝦仁等配上黃金蛋炒飯，粒粒分明，越食越滋味！鐵板叉燒炒烏冬，鐵板熱辣辣上枱，面上的木魚碎還在蠕動。烏冬彈牙，沾上濃郁的醬汁好惹味，叉燒散發著香氣，入口鬆軟，同時不失肉質的咬口。雪糕紅豆冰，紅豆粒粒渾圓甜美，附粗飲管方便吸啜。雪糕與紅豆最夾，是最受歡迎的配搭。凍咖啡口感較香濃、滑順。