影片
更多
2022-10-13
314 瀏覽
同大佬慶生佢話要打邊爐梗係奉陪到底啦，見呢一間裝修幾骨子又有卡位坐於是決定試一試。先來一個小食鬼馬釀墨魚，佢個賣相麻麻哋不過好彩食落味道都唔錯，油炸鬼竟然都脆。湯底揀咗蕃茄薯仔安格斯牛肉粒，以$188人港啲牛肉粒比較少，而佢個番茄湯應該加咗現成蕃茄湯，所以味道會偏酸同埋有少少化學成份感覺，湯入邊嘅蕃茄都係冇煮過嘢，所以要打到後段啲蕃茄先至入味好食。第一碟牛肉我哋揀咗大size的本地手切鮮牛肉，$488，可能今日舊牛肉唔夠靚啦，因為食落嘅時候比較煙韌而且牛肉味又唔係好出，通常出面食嘅一係就脂肪分佈好靚所以食嘅時候林得來又有牛肉味，一係就牛肉味好濃，所以依家有少少兩頭唔到岸比較尷尬，不過佢嘅牛肉係新鮮嘅。就係因為第一碟令人失望所以試多一碟封門柳，呢碟價錢平啲但係味道好好多，牛肉味好濃。自家製考慮佢嘅總共有五款，我哋就叫咗個拼盤啦，入面有雲吞、水餃、韭菜餃同埋黑松露豬肉餃，啲造型幾靚，除咗個黑松露豬肉餃之外其他三款都唔錯。招牌四寶丸入面有鯪魚球、豬肉丸、蝦丸同埋墨魚丸，$118每樣有兩粒，即係未加一都要差唔多$15一粒，蝦丸同墨魚丸味道都唔錯，不過就好似細粒咗少少。之後加咗個響鈴，佢個質感比
同大佬慶生佢話要打邊爐梗係奉陪到底啦，見呢一間裝修幾骨子又有卡位坐於是決定試一試。
先來一個小食鬼馬釀墨魚，佢個賣相麻麻哋不過好彩食落味道都唔錯，油炸鬼竟然都脆。
湯底揀咗蕃茄薯仔安格斯牛肉粒，以$188人港啲牛肉粒比較少，而佢個番茄湯應該加咗現成蕃茄湯，所以味道會偏酸同埋有少少化學成份感覺，湯入邊嘅蕃茄都係冇煮過嘢，所以要打到後段啲蕃茄先至入味好食。
第一碟牛肉我哋揀咗大size的本地手切鮮牛肉，$488，可能今日舊牛肉唔夠靚啦，因為食落嘅時候比較煙韌而且牛肉味又唔係好出，通常出面食嘅一係就脂肪分佈好靚所以食嘅時候林得來又有牛肉味，一係就牛肉味好濃，所以依家有少少兩頭唔到岸比較尷尬，不過佢嘅牛肉係新鮮嘅。
就係因為第一碟令人失望所以試多一碟封門柳，呢碟價錢平啲但係味道好好多，牛肉味好濃。
自家製考慮佢嘅總共有五款，我哋就叫咗個拼盤啦，入面有雲吞、水餃、韭菜餃同埋黑松露豬肉餃，啲造型幾靚，除咗個黑松露豬肉餃之外其他三款都唔錯。
招牌四寶丸入面有鯪魚球、豬肉丸、蝦丸同埋墨魚丸，$118每樣有兩粒，即係未加一都要差唔多$15一粒，蝦丸同墨魚丸味道都唔錯，不過就好似細粒咗少少。
之後加咗個響鈴，佢個質感比較特別，唔係又薄又脆嗰種，味道都OK，不過就嫌佢油味太重，一入口就有成口油嘅感覺。
最後想讚吓佢個檸檬薏米水，難得冇檸檬洗潔精嘅味道，因為出邊成日都係咁搞到我驚咗。
張貼
