鮨穴

營業中

休息中

唔想空肚睇戲，Timessquare 有好多選擇！一向喜愛日本菜，選了鮨穴。凍食温室蕃茄 - 蕃茄又大又圓，顏色鮮紅，擺設成花朵狀，賣相吸引。以温室蕃茄以言，味道就淡咗啲，沒有期望中的「甜到漏」。一個蕃茄索價八十多元，感覺奢侈。吞拿魚腩薄脆 - 卜脆米通上搽了千島醬，上面鋪滿吞拿魚腩蓉。魚蓉軟綿綿，米通卜卜脆，沒有矛盾，只得有趣美味！帶子壽司 - 十分驚喜！帶子是珍寶Size，切半翻開後面積有「旺X仙貝」咁大，「身高」有我嗰iPhone 5咁厚！帶子味道鮮甜，帶㸃海水咸香。肉質爽滑，不帶一點黏口。怪不得要七十多元一件！蝦及沙𩺬魚天婦羅 - 天婦羅的外皮實咗啲，唔夠鬆脆。幸好蝦和魚的味道鮮美突出，挽回分數。黑豚肉生薑燒 - 標準水平。黑豚肉肉味濃郁，混和薑味，幾好。豚肉偏瘦，與爽口芽菜同食會好食啲！整體而言，食物質素中上，定價也是中上。公平啲講，係Timessquare 的餐廳嘅平均定價，價格已反映了食物質素及地點方便。