1
小店樓高兩層，地面座位相對逼狹，同隔籬檯距離有啲近，同整體嘅悠閒感覺頗有對比 🙈
食物質素無得挑剔，青咖喱雜菜 ($68) 中有西蘭花、椰菜花、豆角同紅蘿蔔等 🥕 椰香中帶陣陣辣勁，咖喱汁雖然稀但味道一樣香濃，輕鬆撈晒一碗飯 🍛
1
泰式燒豬頸肉飯 ($78) 焦脆爽口，配以酸辣醬汁同乾蔥酥，好好食 😋
即使加配小食都好有心機，蝦餅 (+$28) 份量大大件，咬落脆卜卜超彈牙，帶粒粒蝦肉口感，絕對唔係雪藏行貨❣️
1
芝士醬薯條 (+$15) 俾佢份量嚇親 🍟 多到就嚟瀉出嚟，鋪滿厚厚芝士醬同沙律醬，極邪惡！🤤
最後有少少批評 😮💨 本身揀泰國菜係為咗方便大家 Share，遺憾嘅係當時店內只提供午市套餐，而且不斷有店員大嗌「賣晒」，9 款 Item 入面有 3 款都售罄，選擇十分有限 😥 仲要返到屋企先發現，店員十萬火急話仲有最後一份海南雞飯，叫我哋要埋，結果無上到檯但收咗錢 🥺 亦都好認同網上 Review 話態度一般，場內其他客人 Keep 住被催落單仲要漏單，需要改善 ❌
📍 Ann Mamma Thai kitchen by 張秀玲
荃灣曹公坊 11 號地舖
