影片
更多
2021-04-04
1240 瀏覽
今日同屋企人朝早周圍搵食，決定試下Cafe 82嘅早餐，等咗一陣，店員有禮貌地向我們示意有位，餐廳入面嘅地方唔大，坐位擺放亦比較密，但衛生程度可以接受。我點了漢堡扒配雜菌、茄汁豆、炒蛋及多士，飲熱奶茶。食物到了，賣相好豐富，我第一啖先食茄汁豆，有驚喜嘅係茄汁豆係熱嘅，起碼至少唔係一開罐頭即刻放落去，加分！炒蛋軟滑，唔會過熟；漢堡扒煎得好香，有肉汁之餘亦唔會太乾。最令我驚喜嘅反而係塊多士，真心想講係我呢年食過最脆嘅多士，雖然知道都係放落多士爐入面整，但係佢脆嘅程度至少同一般快餐店嘅早餐，有好明顯嘅分別，呢塊多士令我即刻醒一醒神。至於杯熱奶茶，唔會太多奶，亦唔會有太苦澀嘅濃茶味，比例適中，有驚喜呀！我見店員嘅T恤寫住四隻中文字，「八拾起義」，唔知係咪呢個就係Cafe 82 的意思呢？如果係，真係一個改得有意思嘅名啊！80後們，加油！
我點了漢堡扒配雜菌、茄汁豆、炒蛋及多士，飲熱奶茶。食物到了，賣相好豐富，我第一啖先食茄汁豆，有驚喜嘅係茄汁豆係熱嘅，起碼至少唔係一開罐頭即刻放落去，加分！
炒蛋軟滑，唔會過熟；漢堡扒煎得好香，有肉汁之餘亦唔會太乾。最令我驚喜嘅反而係塊多士，真心想講係我呢年食過最脆嘅多士，雖然知道都係放落多士爐入面整，但係佢脆嘅程度至少同一般快餐店嘅早餐，有好明顯嘅分別，呢塊多士令我即刻醒一醒神。
至於杯熱奶茶，唔會太多奶，亦唔會有太苦澀嘅濃茶味，比例適中，有驚喜呀！
我見店員嘅T恤寫住四隻中文字，「八拾起義」，唔知係咪呢個就係Cafe 82 的意思呢？如果係，真係一個改得有意思嘅名啊！80後們，加油！
張貼
