麵麵俱到

營業中

休息中

今日一個人周街行，入左嚟元朗，行到嚟雞地見到呢間新開既小店「麵麵俱到」，咁岩又有啲餓就入去試吓。入到去就係一啲和風既佈置。小弟就叫左個「醬油慢煮豬軟骨配脆脆豬皮豚骨湯麵，唐揚炸雞套餐」，Menu上寫住有得揀讚岐烏冬/香港傳統手工蛋麵，咁就揀左手工麵，當然要支持一吓本土既手工麵啦！啲野食嚟到，首先係個唐揚炸雞，咬落去肉質juicy 又唔鞋，少少辣幾野味。到主角醬油慢煮豬軟骨配脆脆豬皮豚骨湯麵，一嚟就試左啖湯先，個湯一入口厚實有質感，唔似係一般開水豬骨湯咁，湯底係有心機既。👍🏽跟住就試個麵，夾起果陣好有份量，咬落口感彈牙唔會好淋，呢個香港傳統手工麵要讚👍🏽👍🏽脆脆豬皮建議浸落個湯度，等佢吸番啲湯，有少少淋咁食，食落口有啲似豬油渣咁。而個慢軟豬軟骨一定要大推，用醬油慢煮，夠入味又夠淋又唔會一夾就散，最重要都幾大舊。食完整體嚟講係值得再番食，走既時候咁岩老闆行左出嚟，同佢吹左兩句，同佢講個手工麵好正，聽佢講番話係麵廠造既傳統手工竹昇麵，唔怪得個麵咁有口感同彈牙啦⋯⋯呢餐$82蚊，個套餐有野飲有小食，價錢都合理，下次再入嚟元朗會再嚟食過，支持一下有心既小店。