時光逆流

營業中

休息中

見到呢間日式西餐評分唔錯就去試下，但食物質素就不似預期。我地揀左揀咗三文魚扒定食同埋漢堡扒定食，定食仲包括烏冬同關東煮，飲品方面嗌左杯玫瑰朱古力。三文魚扒份量都大，魚肉質地都合格，不過啲醬汁嘅味道真係唔夠突出，好普通。漢堡扒比較乾，亦無乜牛肉味。烏冬同關東煮亦無咩驚喜。玫瑰朱古力賣相幾靚，但飲落亦唔覺有咩特別，只係一杯加左舊棉花糖同玫瑰花乾既熱朱。總括而言，呢間餐廳嘅食物味道普通，同openrice既評分不成正比，但侍應既服務態度都ok既，不過咁貴又無咩特別就唔會再黎啦😂