影片
更多
2024-06-19
2162 瀏覽
行完朗豪坊，想去打邊爐，見到呢間滾爺火鍋都有好多好評，去到的時候唔使排隊，就入咗去試吓。間餐廳唔大，以黑色為主調，所有枱都係放兩邊，所以全部都係梳化位或者卡位，都幾好坐。因為得兩個人，都叫唔到太多嘢食，原本係想試佢招牌椰子雞鍋，見到佢有胡椒豬肚雞鍋，就俾佢吸引咗。胡椒豬肚雞鍋同椰青雞有啲唔同，上枱嘅時候雞同埋豬肚都已是煮熟了在鍋入邊，熱返就食得，個胡椒豬肚湯好香濃，都飲咗兩碗。另外叫咗個佢嘅招牌四寶丸，一碟牛肚，同埋一碟菜。招牌四寶丸係新鮮手打丸，個擺盤都好靚，最好食係蝦丸。整體嚟講，餐廳都好乾淨企理，最鍾意佢個電磁爐火力夠晒勁，好快滾。另外，醬料係自己行出去拎，都有齊芫荽蔥生熟蒜，豉油等等，不過醬介要收$18一位。店員親切有禮貌，因為係小店，就冇連鎖店那種匆匆忙忙，服務唔錯。酒水主要就有啤酒汽水可以選擇，兩個人埋單六百幾蚊。
間餐廳唔大，以黑色為主調，所有枱都係放兩邊，所以全部都係梳化位或者卡位，都幾好坐。
因為得兩個人，都叫唔到太多嘢食，原本係想試佢招牌椰子雞鍋，見到佢有胡椒豬肚雞鍋，就俾佢吸引咗。胡椒豬肚雞鍋同椰青雞有啲唔同，上枱嘅時候雞同埋豬肚都已是煮熟了在鍋入邊，熱返就食得，個胡椒豬肚湯好香濃，都飲咗兩碗。
另外叫咗個佢嘅招牌四寶丸，一碟牛肚，同埋一碟菜。
招牌四寶丸係新鮮手打丸，個擺盤都好靚，最好食係蝦丸。
整體嚟講，餐廳都好乾淨企理，最鍾意佢個電磁爐火力夠晒勁，好快滾。
另外，醬料係自己行出去拎，都有齊芫荽蔥生熟蒜，豉油等等，不過醬介要收$18一位。
店員親切有禮貌，因為係小店，就冇連鎖店那種匆匆忙忙，服務唔錯。
酒水主要就有啤酒汽水可以選擇，兩個人埋單六百幾蚊。
張貼
