德美壽司

營業中

休息中

一直都未食過大埔既德美，今日接近7點到，好在有book定位，因為7點後佢個場都好滿! 蟹子沙律口感清脆，份量十足，無論係青瓜絲, 蟹子或者醬都好，都好多! 北海道甜蝦帶子魚生飯甜蝦肉質帶甘甜! 帶子味道純淨甘甜，而且好厚肉，第一啖食落已經覺得係好新鮮既味道。三文魚份量都多，口感柔滑而且唔會有腥味! 而且旁邊仲有熟既三文魚碎，可以撈埋落魚生飯到。飯底係炊飯，有三文魚籽同菇!牛油果軟殼蟹卷軟殼蟹好肥美, 炸到外脆內軟 ，一咬每件都食到啖啖蟹膏 ， 配埋牛油果清新軟滑嘅口感，好滿足。燒茄子一開始以為係以孜然粉去燒，原來係好日式的味道，有陣牛油香，面上仲有好多木魚碎，仲可以配埋薑蓉食，好新鮮既配搭。免治雞肉棒雞肉棒好juicy，中間仲會食到D軟骨，好有咬口。