阿爺八鮮鍋 (已結業)

我哋之前買左樓，終於收樓，就同老公撐枱腳出去慶祝下，去左幾個朋友都介紹我去的，位於旺角登打士廣場「阿爺八鮮鍋」無極限海鮮放題2.5小時。我哋升級加左魔王西澳龍蝦象拔蚌海立魚刺身拼盤，非常新鮮，大大盤，好滿足。無限追加惹味花膠年糕雞煲，揀咗微辣，雞件大件多肉嫩滑，加上花膠同年糕非常入味，辣得過癮，我偏向喜歡濃味，所以覺得好食，老公就覺得有些咸。食完雞煲，轉咗粥底火鍋，係新推出的，當然試下啦，粥底較水，吸受精華之後，味道清甜，我食咗幾碗。當日超級海鮮盒 - 南非鮑魚、日本元貝及小龍蝦， 全部都好新鮮，用嚟打邊爐真係好正。超過50款火鍋配料選擇， 因為食咗刺身同雞煲都已經好飽，加上又有海鮮盒，所以我哋淨係揀咗幾款配料嚟食，特別推介手切安格斯牛小排，有牛味，肉質嫩滑，淥耐咗都唔靭。每人一盅是日精選足料燉湯，好清潤。Like & share 社交平台 再送廚推介小食，今次包括牛肉他他、砂糖蕃茄、糖不甩及苦瓜， 味道不錯，特別喜歡牛肉他他。加$20 任飲水涼飲品