Misu Seafood Cuisine

營業中

休息中

家姐就黎生日，想搵D 比較好，又坐得舒服D 嘅餐廳，當然我唔介意比貴少少喇。係Openrice見到Misu的食評唔錯，所以過黎試下。餐廳環境好舒適，門口就係一個大魚缸，養住d新鮮食材，另外坐位望向山，好舒服。我地叫左個精選套餐$288/位~時令野菜沙律~有沙律菜，青瓜絲，仲有蟹籽仔，撈埋日式胡麻醬，好開胃。新鮮南非磯煮鮑魚配鮑魚肝醬~鮑魚真係好似溏心鮑魚咁，而且好嚼口。如果再加埋鮑魚肝醬，更加突出鮑魚本身的鮮甜味。麵豉湯~麵豉湯裡面有兩隻蜆，蜆肉無沙，好新鮮好甜。刺身三款~三款都好新鮮，刺身係厚切，口感好豐富。壽司盛合六件~鯛魚、炙燒三文魚、甜蝦等，壽司上的魚生新鮮，壽司醋味同黏度剛好，令壽司完整不鬆散。寶雲酥羊架~有三件，唔洗太用力就可以切開，都已知羊架夠淋。切開後入面充滿肉汁，羊架肉質好嫩，外層脆脆，調味得宜，再配以沙律食用岩岩好，最推介呢個羊架。