方榮記沙嗲牛肉專家

營業中

休息中

方榮記呢個打邊爐傳統老字號，未食過都一定聽過，當年首創手切肥牛，同以沙嗲湯底打響名號，今日來打下卡同試下係咪真係咁好食。來到方榮記一定點沙嗲湯底，叫左碟機切牛肉，牛肉大大塊，唔算太肥，配上濃郁既沙嗲湯底食都有牛味。響鈴放入湯幾穢，輕微沾上沙嗲味，又可以保持脆口;豬潤鮮紅色，感覺好新鮮，食落少少沙感，唔錯。反而叫左魚腸係一個敗筆，魚腸好肥美，放入去鍋到好快就融化，完全食唔到。最後梗係以公仔麵配午餐肉作結，公仔麵吸滿沙嗲汁，配上厚切午餐肉，一碗完美既沙嗲公仔麵就完成。一邊係方榮記食飯，一邊諗返起電影PTU的情節，真係幾特別。