金和記海鮮菜館

營業中

休息中

炭爐瓦煲打邊爐，已經係最大吸引點。香港無乜幾間卦！環境：喺得深水埗你都大概知咩樣，因為炭爐，要用矮檯矮凳，唔算舒服但係可以接受，洗手間唔係座廁，朋友接受唔到。服務：得一兩個阿姐處理10檯落單上菜上野飲加炭加湯，所以要叫多一兩次係必須的。湯底：我哋要咗螺頭冬瓜，上檯見煲裡面有乾螺頭+排骨+冬瓜+紅棗，放食物之前飲一碗，似老火湯都啱口味。食物：因為湯底夠味，只要食物新鮮就得！手切牛肉肉味唔濃無驚喜但OK、手打四寶丸：得，南非鮑魚新鮮，上檯仲識郁、游水中蝦生猛、其他蔬菜類都係正常。飲品：見好多人飲藍妹，同深水埗地嘅形象超夾，樽裝可樂夠凍，可以自帶酒水。埋單一人唔駛300。BTW，炭爐唯一嘅敝處：無得較大細火囉！