米気

營業中

休息中

去staycation, 上網見哩間人氣高決定一試。晚市去到要排隊半小時。同朋友一齊到餐廳share，叫咗以下幾款。醬油蛋飯，蛋黃非常濃，同飯攪拌後呈金黃色。建議攪拌後先食下飯再食其他，享受蛋香。朋友叫咗期間限定，有魚子，味道都唔錯。秋葵唔會太多黏液，酸酸地容易入口。八爪魚沙律啲八爪魚幾大塊，有少少芥末調味，夠彈牙。茶碗蒸夠滑，有細塊鰻魚。豬軟骨好食夠淋。味噌番茄豆腐漢堡唔錯，食唔出係豆腐，裡面有三色椒，如果胡椒味淡少少更好。牛肉壽喜燒肉量ok，但無咩特別。布丁實在普通，賣相唔吸引，糖漿唔夠，cream溶緊，糖漿似蜜糖多過焦糖，好飽肚但無蛋味。總括而言，會想再食，試唔同菜，份量正常，但布丁唔推薦。