阿爺八鮮鍋 (已結業)

今日食生日飯，叫左幾個朋友去咗阿爺八鮮火鍋嗰度食，咁佢哋首先係食咗雞煲先嘅。雞煲有好多芫茜好惹味。 因為我個人唔係太食得辣，所以嗌咗少少辣，咁個辣度就啱啱好，我接受得到。 其實個雞煲就好食到想再叫多轉嘅，不過之後仲有好多海鮮要準備食， 所以就冇叫。首先就叫左嗰啲刺身，有三文魚同鮑魚嗰啲。 刺身就幾新鮮嘅， 中規中矩。 火鍋配料我就嗌咗龍蝦、帶子、鮑魚同蟶子等等， 全部都好新鮮，鮑魚仲有啲會識喐嘅添。職員服務態度都好好，上菜快，收碟都快， 繁忙時段咁多客人都對每個客人客客氣氣， 冇話見到黑面嗰啲。如果大家想食個優質海鮮火鍋可以食呢一間。