影片
更多
2019-01-05
607 瀏覽
跟OpenRice搵食大大話話超過10年了，今次終於忍唔住，獻出第一篇食評，全因實在太有驚喜。兩口子一向胃口也不大，但又貪心、愛多花款，平常外出搵食都以日本菜、西班牙菜為主，極少考慮西餐。初味主打海鮮、西日fusion菜，完全適合我地「少食多款」一族。近期到訪三次，無論海鮮、前菜、沙律（往往被忽略）、湯、主菜都持續保持高水平，直接驅使我處男下海！第一次到訪正值老婆外游，一支公搵食。路過見到有我最愛嘅西班牙紅蝦、海膽，加上 set dinner 非常吸引，價錢又相宜，所以二話不說就坐低咗。整體非常滿意，唯一可惜當時未能賣酒，否則更滿足。（詳述如圖）第二次同老婆 Boxing Day 到訪，老婆睇完個 menu，話樣樣都好吸引、都想試。今次叫咗八道菜，appetizers 為主，都係無可挑剔。（詳述如圖）今日又到晩飯時間，老婆主動提出不如 encore，試埋其他心水之選，我當然舉腳贊成。今次到訪佢地酒牌搞掂咗，推出咗 happy hour 同 oyster set ($138/$158 一杯白酒加三隻法國/愛爾蘭生𧐢），咁又點可以唔試？（詳述如圖）唔好介意，我呢篇所謂食評，其實無乜點確切咁
兩口子一向胃口也不大，但又貪心、愛多花款，平常外出搵食都以日本菜、西班牙菜為主，極少考慮西餐。
初味主打海鮮、西日fusion菜，完全適合我地「少食多款」一族。近期到訪三次，無論海鮮、前菜、沙律（往往被忽略）、湯、主菜都持續保持高水平，直接驅使我處男下海！
第一次到訪正值老婆外游，一支公搵食。路過見到有我最愛嘅西班牙紅蝦、海膽，加上 set dinner 非常吸引，價錢又相宜，所以二話不說就坐低咗。整體非常滿意，唯一可惜當時未能賣酒，否則更滿足。（詳述如圖）
第二次同老婆 Boxing Day 到訪，老婆睇完個 menu，話樣樣都好吸引、都想試。今次叫咗八道菜，appetizers 為主，都係無可挑剔。（詳述如圖）
今日又到晩飯時間，老婆主動提出不如 encore，試埋其他心水之選，我當然舉腳贊成。今次到訪佢地酒牌搞掂咗，推出咗 happy hour 同 oyster set ($138/$158 一杯白酒加三隻法國/愛爾蘭生𧐢），咁又點可以唔試？（詳述如圖）
唔好介意，我呢篇所謂食評，其實無乜點確切咁形容過任何一道菜嘅味道。我只可以講，三次到訪，每次味蕾都有新衝擊。簡單如一個沙律，佢地都用心咁研究過成個 combination，dressing，去令客人有驚喜，估計呢個可能係店名「初味」嘅意思，就係喺呢度你會嚐到你「初次嚐到嘅味道」。
概括咁講，佢地位置係吊腳咗啲，但如果你想搵一個有要求、有質素、有驚喜、好服務嘅地方食飯，呢間絕對推介！
P.S. To 好酒之人，雖然佢地已賣酒，但暫時仍然免 corkage fee 㗎！
張貼