霸嗎拉麵 (已搬遷)

工作左一整日，緊係要搵啲好野食黎慰勞下自己
呢間野之前都食過，幾好食，所以今日再黎食多次！
今日嗌左個特盛炙燒豚肉拉麵，份量果然驚人，足足有4塊豚肉，唔會話唔夠食！
成件事好heavy但好正，偶然食下都冇所謂，鍾意食拉麵既人都會咁食！
拉麵選擇了硬麵，啲拉麵煮得岩岩好。湯底選擇了少油，所以個湯幾清唔油膩，但又好足味，而且個湯底唔會死咸，岩曬我口味
啲炙燒豚肉，一層肥一層瘦，幾嫩口下，又唔會過左火喉，而且食落係肥而不膩。
整體黎講呢間野嘅拉麵cp值幾高，大家可以不妨一試