翠亨邨 (美麗華廣場1期)

營業中

休息中

大年初一同家人到尖沙咀翠亨邨飲茶，往年家人都會選擇唔同的酒樓，所以今次亦係第一次於新年幫襯翠亨邨。食物方面真係絕對滿意，無論點心，燒味等都美味。反而有好多點心都售罄，無機會試。價錢方面，以食品的質素，品牌的效應，及位於尖沙咀的地理，都認同的。服務方面，我地嘗試於早前訂位，不過已經滿晒，所以係以walkin等位。其實等候的時間並唔算太耐，大約1小時，可以接受。但係負責接待的其中一位職員 (應該係較高級)的面口就有待改善，需明白作為顧客，大家都係希望可以盡快入座，希望可以有番啲同理心。 反而樓面有個別同事就唔錯，主動幫我地跟進未到的點心，攞番唔少失分。整體食物滿意，價錢算合理，服務一般。