味味佳餐廳

營業中

休息中

美孚都有好幾間茶餐廳，但係其實我都很少幫襯味味佳，因為純粹覺得間餐廳燈光較暗，坐得唔多舒服。今天在偶然的情況下和父母來食下午茶餐， 點知食完之後又發覺啲食物質素唔差， 所以整返篇食評做紀念。老豆叫咗個乾炒肉片河，賣相都算唔錯，仲有幾粒芝麻做裝飾。河粉炒得好乾身，而且好夠鑊氣，肉片又夠腍。阿媽叫咗個魚餃湯河，相對失色。個湯底好淡， 魚餃都係喺外邊買返嚟。唯一可取之處就係有大塊生菜跟上。我自己就叫做過勝瓜斑塊湯飯。 炸過嘅班塊其實浸落湯底都唔慌好食。不過我又好鍾意呢個texture。嘻嘻。呢度下午茶餐平均都係40蚊左右， 唔算特別貴啦。