南越南咖啡廳

營業中

休息中

（2023-07）又到左星期六既午飯兩點時間，空位唔多，岩岩好座滿。惹火上身咸檸豬頸肉--職員會係你面前點火，要影相既朋友記得開定相機豬頸肉軟淋，個醬又微微酸辣，菠蘿甜度可能係落左糖去燒？差不多一呎長蝦--啲芋絲炸到好香口，配埋又係酸酸辣辣既醬，個蝦肉我覺得一般，價錢可能略貴，$13x感覺唔夠喉。火龍芒芒蝦仁脆蝦片--涼涼地既芒果同蝦仁，配上洋蔥碎，紫色賣相幾吸引，哩度菜無酸的，只有甜同鮮同脆。飲品要左杯 荔枝雲朵咖啡--好少飲哩啲咖啡，配上荔枝同玫瑰，口感特別。另一杯係Deep sea fantasy--職員好難先hold到個波波唔爆飲既時候，杯口有鹽粒，冰涼既梳打口感，甘而唔苦既味道，係深海既感覺椰子奶凍--又有仙氣可以打卡，哩個椰子味道好濃好滑，杯底既好似楊枝甘露，芒果唔算好甜，食完唔覺漏。香蕉薄餅--味道都係預期之內，只係覺得個餅略有啲硬，比泰式既香蕉班戟輸左少少。埋單$526，咁多野玩可以一試。