回味工房

營業中

休息中

最失望嘅一次喇沙。。。午餐食左覺得有d奇怪味，夜半就突發急性腸胃炎，懷疑呢間鋪頭衛生環境或者食物有問題。又諗到中午外賣自提時就留意到間店面環境都有d破舊。餐牌上每份喇沙會寫好都有d咩，我揀嗰份有豆卜，芽菜，鮮蝦，豬頸肉，加咗12蚊仲有海苔丸（未聽過所以試下）。面底可以揀油麵或其他，湯底可以揀喇沙或者骨湯（唔辣）。喇沙幾抵食，俾咗好多條豬頸肉。但豬頸肉有d肥，可能覺得很膩。唔知食得唔舒服係咩因為豬頸肉。。。海苔丸好食!好似魚蛋但餡料好似係蛋黃，冇海苔唔知點解要叫海苔丸。一開頭食都幾正常，食到最尾突然feel到好重香料味，整個口腔都覺得怪怪地，好似直接食香料。