為食雞私房工場

營業中

休息中

早幾日上嚟程班長食午餐，係電梯口見到呢間為食雞私房工場嘅易拉架，今日就諗住上嚟試一試佢，12點嚟到得我哋一檯，點咗海南雞飯同埋小食炸魚片頭。唔使5分鐘D野食就送到，一嚟到比個油飯嘅顏色嚇親，唔知以為我叫咗炒飯底。試一試味先，隻雞幾好，肉質滑同鮮嫩，油飯就真係唔夠香，非常普通，海南雞個醬汁可以話係靈魂所在，甜豉油OK啦，辣椒薑蓉汁就真係麻麻，完全冇辣味，唔可以講得上係傳統嘅好醬汁。炸魚片頭反而有D驚喜，爽口彈牙，一流嘅貨色！另加醬汁每碟要＄3，未免小家咗少少。注意呢度嘅抽風系統真係唔掂，食完一餐飯成身都係油煙味，真喺衰過去食完燒肉，成件襯衫都一陣味 。講真如果唔係隻雞同炸魚片頭幾好食，真係會比個喊面。埋單＄74講真唔算平，呢個價錢呢區有大把選擇，至少如果個日著靚少少應該都唔會再嚟。