上村牧場 (已結業)

Friends介呢間餐廳嘅薩摩牛幾特別自己又未食過，book位嚟大快朵頤。食物由路軌車直送到客人座位面前幾得意，職員服務殷勤會幫下手燒肉磨特製醬汁、唔錯自慢燒肉10種盛合 ・美國和牛牛肋條・橫隔膜・嫩肩牛・上五花肉・薩摩牛 牛五花・薩摩牛 里肌肉 ・薩摩牛 涮涮燒・牛柳粒・薩摩牛 腰脊芯・鑽石紋牛小排薩摩牛海膽壽司 2貫> 呢個餐試到美國和牛不同部位和薩摩牛。薩摩牛經手工切割幾厚切都算牛味。客人可自己動手現磨蘋果蓉製成獨家秘製醬汁嚟點牛肉食，亦可以搵職員幫下手整汁，佢哋會研磨芝麻刨蘋果蓉、兩三下手勢就搞掂啲醬料，醬汁味道甜甜哋點肉食幾開胃。個人首選牛肋條、橫隔膜等燒起上嚟肉味甘香濃郁，薩摩牛亦都好味尤其涮涮燒令個肉味儘出，牛柳粒亦好酥香；鑽石紋牛小排係一大條上枱好有勢，將肉剪成細粒燒，入口肉味香濃不會油膩。薩摩牛海膽壽司亦好好食，海膽質素okay