紅火雞煲 (元州街)

營業中

休息中

想一大班人聚吓，又想食吓嘢，然後又唔想太貴！呢間簡直100分!紅火雞煲位於香港唔同地方都有分店，今次我去嘅喺長沙灣分店。即使企響門口睇都完全睇唔出呢間餐廳入邊係食打邊爐，皆因佢門口全部都係放置唔同嘅一龍龍唔同嘅點心。佢最出名嘅係雞煲，人均 200內就可以食到，食完雞煲之後就可以打邊爐，最平嘅級別有50幾款嘅配料。雖然佢最出名嘅係雞煲，今次我哋就叫咗烤魚去食，呢個本身最平嘅級別套餐係唔包括嘅，但都係只需要加$20就可以食到烤魚啦。 佢呢就寫明係得2.5斤魚，為咗俾你哋都知道其實條魚已經好足夠兩個人食，特登放置咗我隻手喺隔籬，以表示條魚嘅size。條魚係麻辣味，講真喺越食越麻～ 魚肉嘅質素響呢個價錢嚟講都叫係咁！如果想飲嘢，需要醬料同埋要拎邊爐配料，基本上都喺自助式。全部放晒入門口嗰度。