新羅寶韓國餐廳 (利舞臺廣場)

營業中

休息中

自從上個月本小姐同屋企人去左韓國之後返黎就心思思想食韓國野, 應該係食上癮 今日爸爸生日, 我地一行五人決定再去韓一韓, 細佬揀左依間餐廳, 上到去, 又係一個人都無, 佔中真係令到D人唔出街食飯??? 之後全程係爸爸發板~~我地基本上佢所有既牛肉款式都點左, 最好味係頂級原條牛肋骨肉, 真係超好味, 入口即溶, 服務員好細心咁同我地燒同切, 所以燒得剛剛好, 最緊要係依度唔係用油同你燒係先用肉脂肪下鍋, 用油脂幫你燒肉, 燒出黎多份脂肪香, 再配以豆瓣醬同新鮮蔬菜一齊食, 真係一絕, 不熱氣, 係最正宗韓國食法, 可惜依度加菜係要收錢, 係韓國根本唔洗收錢 一分錢一分貨, 衣度既菜都幾多種頪同好新鮮, 算係值回票價, 我地仲加左個蝦, 又係無得頂, 真係超大隻, 最貼心既係服務員會幫你剪埋蝦尾同蝦身, 等你一燒完成隻蝦就咁拎起就食得, 最重要既係佢重會幫你燒埋個蝦頭, 用炭火燒出來個蝦頭連埋蝦膏真係好鮮甜惹味,...回味中不過前菜款式唔算多, 最重要係份量極少, 5 個人俾2個人既份量, 真係唔多得!! 不過依度服務真的不錯, 價錢都算合理, 都推介來吃正宗韓燒。