味真 (已結業)

朋友去完韓國旅行返黎，對燒肉念念不忘，比佢係沙田搵到一間性價比極高嘅正宗韓國燒肉🍖原來【味真】係韓國有130間分店，沙田呢間正正係首間海外分店🇰🇷見到店員提供嘅配菜就馬上感受到韓國氣氛，前菜有泡菜、辣蘿蔔同酸菜，包住啲肉嘅除左有提供生菜🥬，仲有沙律、酸蘿蔔片同茖蔥，茖蔥係韓國醃菜，味道酸酸甜甜，配燒肉一流👍🏻晚市燒肉最低消費500g肉類，每款肉類以100g計算，單價唔高，2個人share 500g都好豐富🐷同時會有熱溶芝士同韓式魚露放係烤架上面，而且店員會不時協助烤肉同剪成剛好嘅尺寸，非常貼心🩷伊比利亞豬肩肉 100g@$41伊比利亞豬肉清晰呈現大理石紋般嘅油花，烤過後肉味香濃，而且肉質柔軟豬三層肉 100g @$65三層肉脂肪分布平均，肥瘦相間，入口油脂充足豬皮 100g @$41己經預先烤好，根據店員建設蘸上黃豆粉、咖喱粉同醬汁，入口彈牙唔油膩，滿滿骨膠原😆追加泡菜豬肉湯 $60石窩熱辣辣由店員捧上，好足料，泡包同豬肉片非常多，湯品唔算太辣，容易入口韓式雞蛋羮 $35加入高湯烹煮，令雞蛋咸咸香香，都幾惹味西瓜梳打$35梳打凍冰冰，有西瓜清甜嘅味道，岩晒燒烤果陣飲🍉甜米露 $18好少