影片
更多
2023-09-13
42 瀏覽
慶祝生日，決定買下附近嘅美味外賣開個party。Pizza Hut嗰啲都叫到厭啦，今次一於試吓叫韓國外賣！新港城近來開咗間又韓國人主理嘅韓國餐廳，位置喺譚仔三哥附近，見到評價都幾好，一於買返屋企試吓！呢度食物嘅價位都幾親民，見到有唔同味道嘅炸雞拼盤都只係需要二百幾蚊！見隻隻味都咁吸引，一於就揀呢個，咁就全部都可以試。雖然係外賣，但係賣相都非常吸引！呢一個擺盤真係完美，一開出嚟大家都wawa聲。炸雞冇骨，拎到返屋企仲係香脆可口，啲醬料調味非常出色，特別係蜜糖蒜粉真係永遠冇得輸！另外仲叫咗個烤牛肉Pizza，好大個批，份量好多，好抵食，爸爸都好鍾意食呢個！另外仲叫咗個炸醬麵，同埋炒年糕。芝士炒年糕份量都幾多，啲芝士都好多！拎到返屋企可能啲芝士會晏咗，放入焗爐叮一叮，又變返拉絲，正呀。炸醬麵，味道唔錯，平時啲炸醬麵好容易太甜，呢度我覺得都啱啱好！我都冇為意，原來佢仲送咗可樂！滿足嘅一餐，炸雞真係冇得頂！
新港城近來開咗間又韓國人主理嘅韓國餐廳，位置喺譚仔三哥附近，見到評價都幾好，一於買返屋企試吓！
呢度食物嘅價位都幾親民，見到有唔同味道嘅炸雞拼盤都只係需要二百幾蚊！見隻隻味都咁吸引，一於就揀呢個，咁就全部都可以試。
雖然係外賣，但係賣相都非常吸引！
呢一個擺盤真係完美，一開出嚟大家都wawa聲。炸雞冇骨，拎到返屋企仲係香脆可口，啲醬料調味非常出色，特別係蜜糖蒜粉真係永遠冇得輸！
另外仲叫咗個烤牛肉Pizza，好大個批，份量好多，好抵食，爸爸都好鍾意食呢個！
另外仲叫咗個炸醬麵，
同埋炒年糕。芝士炒年糕份量都幾多，啲芝士都好多！拎到返屋企可能啲芝士會晏咗，放入焗爐叮一叮，又變返拉絲，正呀。
炸醬麵，味道唔錯，平時啲炸醬麵好容易太甜，呢度我覺得都啱啱好！
我都冇為意，原來佢仲送咗可樂！
滿足嘅一餐，炸雞真係冇得頂！
張貼
