漢和韓國料理

營業中

休息中

之前食開旺角的漢和, 聽講尖沙咀這間是新開的, 所以黎試下。同漢和其他分店一样, 有分開熟食區, 刺身壽司區, 甜品區, 生果區, 雪糕區等等。漢和的食物款式選擇很多, 幾十款任君選擇, 豬, 牛, 雞, 魚, 魷魚, 墨魚仔, 扒類, 腸仔, 火煺扒等, 連三文魚都有, 十分豐富。一直食開都覺得食品質素好好, 雖然係任食, 但佢一D都唔馬虎, 牛類, 牛仔骨等都有幾種唔同的醃法, 有辣有唔辣, 而且肉質一流。辣魷魚鬚值得推介, 燒完之后好香好脆, 非常惹味。另一推介係調味品區, 有蒜片辣椒粒等, 可以夾埋D生菜一齊食, 好好味, 好少可以係其他地方試到這種食法。冬菇不是我的至愛, 但這裡的冬菇是經過浸醃的, 燒完之后很香, 外脆肉軟, 非常好味。水果, 甜品有冷藏櫃保鮮, 睇得出衛生程度令人滿意。熟食區有驚喜, 夠不夠會換新款, 有炸三文魚骨及豉椒炒蜆等, 估唔到熟食食品的水準都好好。除了雪糕外, 重有不同款式的糕點供應, 水果有西瓜, 橙, 火龍果等。掛住食, 冇時間影多D相, 但非常滿足!