影片
更多
2023-06-16
1382 瀏覽
今日試咗一間韓式Fine dinning 既tasting menu🥰 好有特色同用心嘅料理令到我對佢有深刻嘅印象😍 餐廳叫做OOULI，位於糖街，冇黎一排原來嗰度多咗啲商場同埋好多樓上餐廳，黎銅鑼灣又多一個選擇😎餐廳環境極靚🤩 樓底高之餘，仲可以睇曬成個維多利亞公園同天后一帶， 實實在在嘅'景觀開揚'😎今日個tasting menu有九度菜，款款都好有特色😎🌟 紫蘇油炸及三次風乾釜山海苔及濟州海藻賣相好特別， 一啲都唔油膩， 海苔同海藻味道截然不同，海藻會比較濃郁，配合特製三色豆腐醬， 發揮到中和嘅作用，好味道✌️🌟韓國左口魚刺身、72小時醬油大蝦及吞拿魚擺盤已經好靚🥰 中間嘅醬係麵豉醬，餐廳職員現場再添加韓式辣醬，微辣， 同刺身非常夾， 最鍾意係左口魚裙邊， 口感彈牙， 油脂味濃。 另外吞拿魚同埋醬油蝦都好出色👏🌟韓國當造特色蔬菜、 韓牛、新鮮蜆肉及自家大米15小時以上烹煮傳統粥呢個粥鮮甜無比，如果多啲就好喇🤣 另外配埋個米餅食，幾夾喎。 原來餐廳有自家嘅釜山農場種米， 唔怪得知啲米飯咁好食😍🌟章魚片、韓國橡子果凍配炸豆腐鱈魚籽三文治橡子果凍有少少似蒟蒻，個汁帶少少酸。 個炸豆腐中間
餐廳環境極靚🤩 樓底高之餘，仲可以睇曬成個維多利亞公園同天后一帶， 實實在在嘅'景觀開揚'😎
今日個tasting menu有九度菜，款款都好有特色😎
🌟 紫蘇油炸及三次風乾釜山海苔及濟州海藻
賣相好特別， 一啲都唔油膩， 海苔同海藻味道截然不同，海藻會比較濃郁，配合特製三色豆腐醬， 發揮到中和嘅作用，好味道✌️
🌟韓國左口魚刺身、72小時醬油大蝦及吞拿魚
擺盤已經好靚🥰 中間嘅醬係麵豉醬，餐廳職員現場再添加韓式辣醬，微辣， 同刺身非常夾， 最鍾意係左口魚裙邊， 口感彈牙， 油脂味濃。 另外吞拿魚同埋醬油蝦都好出色👏
🌟韓國當造特色蔬菜、 韓牛、新鮮蜆肉及自家大米15小時以上烹煮傳統粥
呢個粥鮮甜無比，如果多啲就好喇🤣 另外配埋個米餅食，幾夾喎。 原來餐廳有自家嘅釜山農場種米， 唔怪得知啲米飯咁好食😍
🌟章魚片、韓國橡子果凍配炸豆腐鱈魚籽三文治
橡子果凍有少少似蒟蒻，個汁帶少少酸。 個炸豆腐中間有啲鱈魚籽，口感幾特別👍 酸酸哋再夾埋啲炸物，我覺得ok喎🤩
🌟韓式參雞湯燴飯
上碟好有趣， 職員會噴人蔘酒喺個飯上面， 加埋個飯都好熱辣辣， 人參嘅香氣好出， 個飯配咗啲人參嘅薄片同埋紅棗嘅薄片，好食🤩
🌟海鮮清湯配烤釜山鮑魚
所有擺盤都好靚，呢一碟都唔例外， 個湯上面仲有啲辣椒粉，鮑魚個質素好， 生熟度都拿捏得好好， 一道好舒服好滿足嘅菜色🥰
🌟烤韓國頂級1++韓牛
韓牛肉質當然好，我最鍾意係佢嘅gravy同carrot醬， 韓式嘅感覺，韓牛嘅油脂同和牛有啲唔同， 冇咁強烈，牛味反而出啲添🤩
🌟烤釜山鰻魚
鰻魚烤到皮脆肉嫩， 無可挑剔， 最驚喜係佢個薑味薯蓉，從來未試過，呢個配搭難忘🤩
🌟釜山自家農田 珍珠米飯配48小時鰻魚湯加5種時令釜山特色伴菜
米飯係即刻煮，連埋個韓式壓力煲呈上， 5種伴菜各有特色，我最鍾意嘅係韓式辣醬生魚肚，拌飯一流👍
🌟糯米年糕窩夫餅配自製雪糕
非常驚喜嘅甜品作結尾， 窩夫嘅成分係糯米，有米香，輕微嘅甜味已經好正，配埋雪糕食，又煙韌又滿足🥰
成個用餐過程都非常享受，兩個幾鐘嘅時間好快，每一道菜都係一個驚喜，呢種韓式嘅fine dining我之前未試過，一試愛上😍 未試過嘅朋友真係值得嚟試下😎
張貼
