影片
更多
2021-07-24
70 瀏覽
已經第二次嚟食午餐，上次感覺有新鮮感，食物賣相及質素亦唔差，相反今日再嚟午餐，時間已經過咗午餐時份（2:30pm），正常應該可以食下午茶，不過我哋三個人係食午餐，等咗半個鐘位終於可以入座，用餐時間90分鐘，唔駛十分鐘已經落好單，簡單叫咗兩個主菜二杯飲品三人分享，等咗好耐都冇任何食物飲品送到，相反隔離枱遅過我哋入座反而食物飲品好快已經上齊，諗住過多五分鐘未到就起身走人⋯⋯(3分鐘後）食物終於上齊服務生好似好细心咁話轉頭攞三隻碟俾你哋，你唔講好地地，隻碟唔知要去邊度攞，等了又等忍唔住再問幾時有碟用，佢先如夢初醒記得，不過最後佢竟然答我話啲碟未洗好暫時未有，從來未試過餐廳會有咁嘅情況出現，正常人都唔會等你啲碟嚟我先開始食啦，而且你仲有90分鐘限時，好彩其中一份餐係漢堡飽尚算可以用手食，但係碟帶子南瓜飯就要三個人輪流係個碟度分三格嚟食，我邊食邊等果隻要洗好嘅碟，最終當然係等唔到而且個服務生已經唔覺得要幫忙去睇下啲碟洗好未⋯⋯
張貼
