翡翠拉麵小籠包

營業中

休息中

放假期間，同小朋友嚟馬鞍山嘅翡翠拉麵小籠包食午飯。因為小朋友想食小籠包，所以揀咗呢一間餐廳，我哋仲點咗酸辣湯麵，排骨拉麵，同埋菜肉拉麵。小籠包味道一般，湯汁唔算多，但係總算熱。酸辣湯拉麵太酸，唔夠辣。排骨拉麵啲排骨比較乾身。我覺得最唔抵嘅係佢茶錢收$12，小朋友飲水都收，同埋佢一定有個餐前小食就係一啲花生，收$15。茶錢同埋餐前小食都係再收+1嘅，即係坐低已經唔見咗$70。所以我覺得有啲唔抵，另外一啲上海餐廳都可能會收茶錢，但係冇咁貴，同埋唔一定有餐前小食。所以如果食物味道一般嘅話，下次想食上海嘢都未必會選擇。