影片
更多
2015-03-25
1889 瀏覽
我從未食過炸串，上次去大阪都冇食到呢個名物。可能因為自己屋企都會炸嘢食，覺得冇咩技巧何言，駛乜俾咁多錢出去食唧。後來睇多咗日本飲食節目，先知道原來炸串都好多講究，從油嘅種類，温度，炸漿，麵包糠，到材料，蘸料都有研究，實非小弟所以為嘅手辦眼見功夫。秀殿呢間隱世小店，座位大概十五個，裝修簡潔，吧枱座位可與日籍老闆及女廚師傾談飲食心德。老闆同廚師之前响附近開餐廳賣蛋包飯，當時人頭湧湧，坐無虛席。大半年前將餐廳結業，轉陣到現址賣炸串，客人八九成係日本人，老闆同廚師都操流利廣東話，餐牌中日對照，咁就唔駛驚點錯餸啦。坐低第一件事就梗係揀酒先啦，燒酎，梅酒，啤酒，連紅白餐酒都有，燒酎梅酒個list有成十四板，上百個選擇，唔識嘅可以話老闆知你鍾意嘅口味，佢會盡力介紹。我同啲人先來一個House shochu，味道清爽，偏淡，易入口。另一杯茜霧島，帶點花香，用芋花酵母釀製，味道較烈。有酒就點少得酒盜芝士呢，極軟滑嘅忌廉芝士，牛奶味香，唔會太搶，夾住鹹香嘅酒盜(鰹魚肝漬)，芝士中和酒盜嘅腥味，入口甘香，下酒佳品。上炸串前，店舖供應椰菜片及味噌，客人可邊吃炸串，邊吃清爽嘅椰菜蘸味噌中和油膩感，廚師將麻油伴入
秀殿呢間隱世小店，座位大概十五個，裝修簡潔，吧枱座位可與日籍老闆及女廚師傾談飲食心德。老闆同廚師之前响附近開餐廳賣蛋包飯，當時人頭湧湧，坐無虛席。大半年前將餐廳結業，轉陣到現址賣炸串，客人八九成係日本人，老闆同廚師都操流利廣東話，餐牌中日對照，咁就唔駛驚點錯餸啦。
坐低第一件事就梗係揀酒先啦，燒酎，梅酒，啤酒，連紅白餐酒都有，燒酎梅酒個list有成十四板，上百個選擇，唔識嘅可以話老闆知你鍾意嘅口味，佢會盡力介紹。我同啲人先來一個House shochu，味道清爽，偏淡，易入口。另一杯茜霧島，帶點花香，用芋花酵母釀製，味道較烈。
酒盜芝士
$45
82 瀏覽
0 讚好
0 留言
椰菜片
81 瀏覽
0 讚好
0 留言
火腿芝士
$30
67 瀏覽
0 讚好
0 留言
蕃茄煙肉卷
$30
87 瀏覽
0 讚好
0 留言
新環境令我東張西望，眼尾睄到枝燒酎嘅招紙有個矇面超人咁款嘅嘜頭，咪問老闆咩黎。佢二話不說就倒咗啖我試，入口以為冇咩嘢，兩秒後，嘩! 辣椒味十足，仲幾好飲添，不過唔飲得多。
和牛
$50
94 瀏覽
0 讚好
0 留言
紫蘇梅子雞胸
$35
72 瀏覽
0 讚好
0 留言
帶子三文魚籽
$35
66 瀏覽
1 讚好
0 留言
日本蚝
$45
127 瀏覽
0 讚好
0 留言
呢個時候啲人示意酒杯已乾，係時候再來。為了滿足味蕾，我點咗一set燒酎(麥，芋，米)，三種味道分別很大，米燒酎味清且香，芋燒酎果香味甘，麥燒酎味濃且辣。
得三細杯邊夠我哋飲吖，俾我見到枝椎茸(冬菇)燒酎，我點會唔試呢，不過女廚師話昆布燒酎仲好飲，咁就要試試啦。果然冇介紹錯，昆布嘅umami同燒酎出奇地配合，回甘時可以清楚嚐到淡淡昆布味。
左上順時針: 麻糬, 明太子雞胸, 鱚魚, 香魚
109 瀏覽
0 讚好
0 留言
鱚魚散發油香，入口溶化，魚味香甜。至於原條香魚(Ayu)，甜味更甚，唯內臟味太濃且腥苦，影響食味。
茶漬飯
66 瀏覽
0 讚好
0 留言
食後感: 炸串俾好多人嘅感覺係油膩熱氣唔食得多，但當炸串嘅材料，用油，温度都咁講究，出黎嘅炸串實在同炸三寶係天淵之別。而且日本人相信, 用麵衣包裹新鮮食材, 最能確保食物嘅原味肉汁得以全面保存, 麵衣亦能保護食材被免焦乾. 主廚會因客人食速而烹調炸串, 每串都新鮮熱辣, 非常細心. 經此一役，方知炸串有著非一般嘅學問。
題外話/補充資料：
同女主廚交流時問到，kushikatsu 同kushiage 嘅分別。來自大阪嘅女主廚認為，兩者沒兩樣，不過，關西人稱炸串為kushikatsu，關東則kushiage。此外，關東人認為，kushiage 較高檔次，於餐廳安坐享用，kushikatsu則較為平民，立食炸串店於大阪亦非常普遍。
(以上食評乃用戶個人意見 , 並不代表OpenRice之觀點。)
張貼
