Season. Café

營業中

休息中

過黎葵涌整電腦，搞掂就行下KCC life，發現呢間靚靚cafe，有望景bar 枱，坐位分隔夠闊落，可以舒舒服服食番餐。好，坐低睇下有咩好食先。惹味水牛城狂野雞翼，辣醬帶微酸辣，雞翼夠脆好惹味。芝士焗蟹肉大啡菇，芝士表面烤到金黃色，好香，裡面藏絲絲蟹肉，大啡菇多汁，好食！蟹肉菠菜羅勒忌廉意粉，充滿菜菜既意粉，忌廉幼滑，意粉掛汁，食落豐富有口感。牛油果煙三文魚薄餅，餅底唔厚，芝士和醬汁舖滿薄餅，食薄落唔會dry奶蓋茉香綠茶，第一啖要試個奶蓋先，奶蓋濃郁幼滑，茉香綠茶比較淡口清新。竹炭咖啡，個拉花好靚，竹炭係口腔果種微磨砂感，好得意。