LA FAMILLE

營業中

休息中

臨近年尾，真係好多朋友生日。好多時未必係一大班人慶祝，所以買一個一磅或者半磅蛋糕，兩個人未必食得晒。但係呢間戚風蛋糕嘅size就岩岩好，夠晒兩個女仔食完飯當甜品食埋。就算係幾個人一齊慶祝都好，都可以揀多幾隻味，滿足晒咁多人嘅要求。今日我地就揀左四隻味，首先係季節限定嘅蜜柑。佢面頭已經放左一舊舊又甜又多汁嘅日本蜜柑，岩晒食飽飯解膩。而佢嘅cream同蛋糕都會加左小小果酸味，令到成個蛋糕一啲都唔會膩。另外我地仲揀左個外形靚靚嘅法國玫瑰味，佢蛋糕低都有啲玫瑰碎碎，未食都聞到淡淡玫瑰花香味，味道都係清清地，唔會太甜。而佢啲裝飾都係白朱古力，但係好值得讚嘅係佢所有朱古力都做到低糖，食完都冇罪惡感。然後就係斑爛味，斑蘭蛋糕唔係度度有，而未食都聞到好香斑蘭味嘅更加少之又少。佢鬆軟已經唔洗多講，最重要係斑蘭味真係好重好香，食落都係清清地，唔錯。最後呢個香芋麻薯就係咁多個入面味道最濃嘅一個。聞落未必好大陣味，但食落就真係好香香芋味，啲cream都係用香芋打成，但係就超級幼滑。而佢中間真係有幾舊蕨餅，煙煙韌韌，甜甜地，夾場蛋糕食，口感比較豐富。但相比之下呢個蛋糕就會膩小小，但係都唔會係過甜。