Coti (鴻圖道)

營業中

休息中

行經麗港城，打算坐低飲杯咖啡，咁啱落起雨，所以同友人一齊食埋嘢先再走。餐廳面積不大，但裝修精緻，有打卡位，隨時可以影到靚靚相。蒲燒鰻魚滑蛋飯 $112造型幾靚幾得意，飯上面剛好蓋住滑蛋及鰻魚。鰻魚份量大，醬汁甜香，加入滑蛋飯，食落特別野味。日式照燒雞扒飯 $78呢個日式照燒雞扒飯，雞肉嫩滑，醬汁甜甜地，送飯一流，大人小朋友都一定鍾意 😋！天然蜂巢咖啡 跟餐+$24本身蜂巢、咖啡及牛奶都係分開嘅，要自己將蜂巢同咖啡混合，再倒落牛奶度，別有一番有風味。果皮冰糖檸檬冷泡茶 唔太甜，相當清新，幾特別。