Ohayo

營業中

休息中

同老細出嚟尖沙咀海運大廈玩具反斗城買禮物比朋友，就响門口隔離有間西餐廳，呢間其實響鑽石山荷裡活都食過～於是就同老細入去醫下肚！佢有晚市套餐，都有幾種選擇，自己掃qr code落單，老細鋸扒，我食石鍋烏冬！套餐包餐湯同餐飲，想top up特飲就補差價，另外亦都可以跟小食～🍜德州醬燒豬肋骨石鍋烏冬：呢個真係fusion菜，豬肋骨係平時西餐廳嗰隻，慢煮到淋曬再攞去醬燒，好入味～好軟身～一夾就散！！烏冬用石鍋上，熱辣辣～上枱仲冒緊泡～湯底清清地，有啲紫菜同粟米，加啲七味粉，十分惹味！天氣涼涼地～暖笠笠好滿足！！🥩香煎8安士美國安格斯西冷：老細要五成，熟配薯菜～估唔到薯菜份量都好足！薯條炸得好香脆！但係感覺唔會太熱氣～配上牛扒醬汁，肉質唔錯～彈牙有咬口！！🍖德國腸拼盤：食肉獸話要多個拼盤，三款腸各有特色，配嘅酸椰菜如果再酸啲就好喇…不過香腸質素唔錯，彈牙惹味，唔會好鹹！☕🍹老細飲凍奶茶，我要咗個蜜桃紅茶～紅茶好香蜜桃味，暖胃解膩！本來餐廳主打甜品，都有諗住食嘅～但係眼闊肚窄…食完晚餐真係食唔落…唯有留返下次啦！！😅😂