蟹仙海鮮蒸氣石碢

營業中

休息中

位於鯉魚門碼頭附近既蟹仙，無論環境定係食物質素都非常高質。今次我地招呼外地黎既朋友，好豪氣咁點左龍蝦刺身同松葉蟹。隻龍蝦上枱果陣，個鬚仲係到郁緊，哇，真係好正，證明有幾新鮮。服務好熱情咁幫我地影相，仲有兩支迷你煙花做裝飾，比我地打卡影相拍片。有幾隻蝦係餐廳送比我地食，蝦同龍蝦啲肉都鮮甜可口，龍蝦既肉係比較薄啲鮮啲。另外，我同朋友都係第一次食松葉蟹，餐廳已經係廳度蒸左先拎出黎，松葉蟹啲膏非常多同濃味，真係冇揀錯。