影片
更多
2024-06-06
87 瀏覽
灣仔絕美天台酒吧餐廳Weekend同朋友上灣仔呢間有天台嘅頂層酒吧餐廳catch-up, 中午環境好清靜，可以睇到好靚嘅城市景，望到馬場同海景，向住窗坐望住個景食weekend第一餐好舒服☺️餐包供應嘅餐包有幾款，每一款都係熱烘烘又脆口，賣相同味道都唔錯！法式鮮蠔湯配香蔥牛油麵包粒法式鮮蠔湯相當足料，因為係用大量蠔肉打碎成湯，可以食到好重蠔味，但又保留到少少蠔肉碎，令到個口感比較特別同有層次。香辣蜆意粉伴白酒汁蜆分量頗多，鮮味好突出，微微辣，白酒汁同香蒜令到味道濃郁又唔會油膩。意粉口感都唔錯，推介👍👍西班牙豬腩香辣芒果莎莎薄餅見到餐牌有幾款好特別嘅pizza, 我地揀左呢個西班牙豬腩香辣芒果莎莎薄餅，非常驚喜！芒果幾鮮甜，中和左微辣嘅豬腩肉莎莎，餅本身都有少少脆底又厚身，口感同味道都非常出色！香煎三文魚配香滑薯蓉伴蟹肉忌廉汁三文魚肉質鮮嫩，表皮煎到好香脆，佐以濃郁嘅蟹肉汁，入面有加到忌廉，成個sause鮮味十足，同煎三文魚好match。薯蓉都好香滑可口。甜品：焦糖蘋果蛋糕甜品我地揀左呢款焦糖蘋果蛋糕，表面係一層香甜薄脆嘅焦糖，上面有少少新鮮嘅士多啤梨同藍莓。蘋果蛋糕本身蘋果味好濃郁，但係
Weekend同朋友上灣仔呢間有天台嘅頂層酒吧餐廳catch-up, 中午環境好清靜，可以睇到好靚嘅城市景，望到馬場同海景，向住窗坐望住個景食weekend第一餐好舒服☺️
餐包
供應嘅餐包有幾款，每一款都係熱烘烘又脆口，賣相同味道都唔錯！
法式鮮蠔湯配香蔥牛油麵包粒
法式鮮蠔湯相當足料，因為係用大量蠔肉打碎成湯，可以食到好重蠔味，但又保留到少少蠔肉碎，令到個口感比較特別同有層次。
香辣蜆意粉伴白酒汁
蜆分量頗多，鮮味好突出，微微辣，白酒汁同香蒜
令到味道濃郁又唔會油膩。意粉口感都唔錯，推介👍👍
西班牙豬腩香辣芒果莎莎薄餅
見到餐牌有幾款好特別嘅pizza, 我地揀左呢個西班牙豬腩香辣芒果莎莎薄餅，非常驚喜！芒果幾鮮甜，中和左微辣嘅豬腩肉莎莎，餅本身都有少少脆底又厚身，口感同味道都非常出色！
香煎三文魚配香滑薯蓉伴蟹肉忌廉汁
三文魚肉質鮮嫩，表皮煎到好香脆，佐以濃郁嘅蟹肉汁，入面有加到忌廉，成個sause鮮味十足，同煎三文魚好match。薯蓉都好香滑可口。
甜品：焦糖蘋果蛋糕
甜品我地揀左呢款焦糖蘋果蛋糕，表面係一層香甜薄脆嘅焦糖，上面有少少新鮮嘅士多啤梨同藍莓。蘋果蛋糕本身蘋果味好濃郁，但係又唔會太甜，口味幾清新，食落都覺得唔太guilty
Cocktail: Pink Venom
本身lunch唔打算飲酒，但見到cocktail 嘅名都好特別！order左呢杯pink venom, 非常適合女士！上層有一層奶蓋，加左火龍果汁令到個顏色好鮮艷，因為有奶蓋，杯cocktail相對都好易入口。
夜晚仲會有live show，同埋上一層有個好大嘅天台，相信夜晚嘅view同vibe會更加chill，期待下次晚餐再來體驗🥰🥰
張貼
