PURADAK CHICKEN (將軍澳中心)

營業中

休息中

最近睇完黑白大廚，好想去食韓國嘢，將軍澳中心呢間炸雞次次行過都諗住食，今次終於有機會，餐廳環境光猛，座位闊落。半半炸雞（青陽辣椒+ 瘋狂蒜香）炸雞用先焗後炸方式烹調，令到外層好惹味而內裏亦能保存肉汁，肉質都算嫩滑。青陽椒味炸雞好特別，外層的辣椒醬帶有一點甜味，青楊辣椒加上蛋黃醬，唔會好辣但係充滿青楊椒獨有嘅香味，醬同雞同match，食起來既辣又香。鐘意蒜味嘅我食炸雞必點蒜香味，外層都睇到好夠蒜，蒜香濃郁，加埋甜醬食好惹味。豬肉泡菜湯唔算好濃味但好足料，而且因為泡菜夠多關係，湯頭偏酸味，好開胃好解漏。原味紫菜飯卷份量都多，餡料新鮮，味道正常。青蘋果梳打西柚梳打